"Кazakhstan is my homeland" (Қазақстан - менің отаным)

12 қыркүйек тілдер мерекесіне орай 7-сынып оқушылары "Кazakhstan is my homeland" (Қазақстан - менің отаным) тақырыбында ағылшын тілінде презентация қорғады. Сыныптан тыс іс-шара оқушылардың бойында отансүйгіштікті қалыптастыруға бағытталды. Қазақстан Республикасының әнұранымен басталған шараның 6-сынып оқушысы Ақылбек Ақерке сабақтың жоспарымен таныстырып, мемлекетіміздің әлемдегі мәртебесі жайлы мәлімет берді. 7-сынып оқушылары еліміздің оңтүстік, солтүстік, шығыс, батыс, орталық аймақтарының негізгі қалалары, қазба байлықтары, танымал тұлғалары жайлы презентация қорғады. 4-сынып оқушылары ән айтып, іс-шараның көркін кіргізді. "Зерде" бірлестігінің жетекшісі, ағылшын тілі мұғалімі Жолдас Шаймерденов балалардың еңбектеріне оң баға беріп, осы Қазақстан жайлы мәліметтер келешекте шет елдіктерге Қазақстанды таныстырғанда кәделеріне жарайтынын айтып, оқушыларды тіл үйренуге шақырды.
#біртұтастәрбие
#тілдерапталығы